Johannes XXIII.

Dä Artikel behandlet dr Pabst Johannes XXIII. Für e Gegepabst mit em gliiche Name lueg under Johannes (XXIII.).

Pabst Johannes XXIII.
Päpstligs Wappe Johannes XXIII.	Pabst Johannes XXIII.
Latiinische Name	Ioannes PP. XXIII
Aafang vom Pontifikat	28. Oktober 1958
Ändi vom Pontifikat	3. Juni 1963
Lengi vom Pontifikat	4 Johre und 218 Däg
Vorgänger	Pius XII.
Nochfolger	Paul VI.
Enzyklike	8
Bürgerlige Name	Angelo Giuseppe Roncalli
Geburtsdatum	25. November 1881
Geburtsort	Sotto il Monte, Italien
Dodesdatum	3. Juni 1963
Dodesort	Vatikanstadt
Seligsprächig	3. Septämber 2000 dur e Pabst Johannes Paul II.
Hailigsprächig	27. April 2014 dur e Pabst Franziskus

Dr Johannes XXIII. (* 25. Novämber 1881 in Sotto il Monte; † 3. Juni 1963 in dr Vatikanstadt) – mit bürgerligem Name Angelo Giuseppe Roncalli – isch am 28. Oktober 1958 as Nochfolger vom Pius XII. zum Pabst gwehlt worde. Er wird au dr «Konzilspapst» oder wäge siiner Bescheideheit und Nöchi zum Volk im Volksmund il Papa buono («dr guet Pabst») gnennt. So het er dr Fuesskuss abgschafft und die drei Verbeugige bi Brivataudienze und het in einere vo siine erste Amtshandlige d Ghälter vo de Aagstellte erhöht. Under siim Ponifikat het s Zweite Vatikanische Konzil aagfange, wo die katholischi Liturgii modärnisiert und d Beziehige zu andere Religione, vor allem zu de Jude und Protestante verbesseret het.